زمان العز مشا وتقاليد البلاد ولات منسية !!

  1. brahimi150

    brahimi150 مشرف منتدى العلـوم والثقـافــة والأخبــار مشرف

    إنضم إلينا في:
    ‏2 نوفمبر 2014
    المشاركات:
    8,364
    الإعجابات المتلقاة:
    7,223
    نقاط الجائزة:
    2,505
    الوظيفة:
    Doctorant en Management des organisations
    مكان الإقامة:
    ✰✰ تلمسان ✰✰
    زمان العز مشا وتقاليد البلاد ولات منسية !!

    واش باقين عاقلين على ايام التصاور المدرسية !!

    ايام كنا نلعبو بلاستيك والشرطة والطرومبية !!

    ايام البراءة ماكين لا هضرت فيك لا هضرتي فيا !!

    ايام كنا نخرجو بكسوة العيد فالصبحية !!

    باش نجمعو الفلوس من عند المختار والسعدية !!

    ايام كانو الدراري الصغار يفرحو بالأضحية !!

    ايام الشتاتاتاتاتا اوليدات الحراتا هههه والأمثال الشعبية !!

    كان كلشي عايش على قد الحال وحاجتو مقضية !!

    ايام تفيق مع الصباح وتفطر بالخبز وأتاي والزيت البلدية !!

    ايام كانت اهم حاجة فرمضان هي الحريرة والشباكية !!

    ايام المرأة دايرة اللثام والراجل لابس الجلابية !!

    واش عاقل من كنتي تجري فالزنقة تابع الهدية !!

    فين ايام سالي النمر المقنع ماوكلي و كونان فين هي!!

    تخرج من القراية تجري باش تفرج فالروسوم ديال العشية !!

    ايام كنا نتجمعو حول المائدة ونديرو جلسة عائلية !!

    أيام الطون والحرور وجباح والشامية !!

    ايام الرفيسة والسفة والكسكس فالقصرية !!

    مشا زمان الحشمة والوقار ومشات النية !!

    تبعنا تقاليد الغرب ونسينا التقاليد المغربية !!

    ولا دابا شي حاضي شي ما ندق عليك ونتا مادق عليا !!

    كلشي خرج الطريق مابقينا عارفين الدري من الدرية !!

    هذا تبع الراپ وهاديك ولات "إيمو" والآخر تبع الماسونية !!

    تبلينا بالفايسبوك وتبعنا المواقع الإلكترونية !!

    ولينا عبارة عن مخلوقات فايسبوكية !!

    هاداك فالسكايب مع السويدية وهاديك فالواتساب مخشية!!

    ولا دري يخرج مع الصباح مايولي حتال العشية !!

    من نتفكر دوك الأيام يطيحو دمعات من عينية !!

    العين بصيرة واليد قصيرة والكبدة مكوية !!

    ولينا غاديين وكانبعدو على الدين غي شوية بشوية !!

    مشا الأدب ومشا الإحترام ومشات حتى التربية !!

    من ولات البنت تابعة غي شاكيرة والافلام التركية !!

    ومن تدخل للكوزينة ماتعرفش حتى اسماء العطرية !!

    من ولا الولد يسهر حتى للفجر فالملاهي الليلية !!

    وينعس حتال الظهر واخا تجيب ليه الدقة المراكشية !!

    تبدل الزمان وتبدلت معاه حتى العقلية !!

    وفزمان الحضارة مشينا ضحية !!

    وجيل الايفون راكم مالعبتو حتى ربع العابنا الشعبية!!

    راني عارف راسي طولت عليكم غي سمحو ليا !!

    تمنيت نفهم علاش تبدلات عيشتنا ومالقيت اجوبة شافية!!

    ♡شاركو المنشور نتفكرو جميع طفولتنا وذكرياتنا المنسية♡
     
  2. bahjawii100

    bahjawii100 رئــــيس مجلـس الإدارة إدارة الموقع

    إنضم إلينا في:
    ‏28 يونيو 2010
    المشاركات:
    33,537
    الإعجابات المتلقاة:
    1,385
    نقاط الجائزة:
    5,505
    الجنس:
    ذكر
    مكان الإقامة:
    maroc/marrakech
    شكرا لك
     
  3. BBC ARABIA

    BBC ARABIA مشرف منتدى العلوم والثقافة والأخبار مشرف

    إنضم إلينا في:
    ‏27 سبتمبر 2011
    المشاركات:
    15,972
    الإعجابات المتلقاة:
    1,245
    نقاط الجائزة:
    5,505
  4. Adam Fathii

    Adam Fathii عضو متميز بالمنتدى الاسلامي عضـو متميـز

    إنضم إلينا في:
    ‏3 مارس 2017
    المشاركات:
    9,142
    الإعجابات المتلقاة:
    2,423
    نقاط الجائزة:
    2,535
    الجنس:
    ذكر
    الوظيفة:
    محاسب
    مكان الإقامة:
    مصر